ALGAS

100% ecolóxicas e recolleitadas a man

LEITUGA DE MAR ecolóxica

Ulva lactuca

Esta alga mariña comestible caracterízase por ter longas follas de cor verde, moi parecidas ás follas de leituga. O seu crecemento prodúcese nas zonas intermareales, crecendo nas rocas e descubríndose durante a marea baixa. Habitualmente podemos adquirir leituga de mar desecada ou en conserva. 

CORREA ecolóxica

Himanthalia elongata

Tamén coñecida como espagueti de mar ou cinta, é de cor entre castaña e verde oliva e ten forma estreita e alongada. Medra a partir dun botón cóncavo fixo nas rocas, do que sae un talo en forma de fita de ata 3 m de lonxitude que se divide  dicotómicamente. Coñecida como  espaguetis de mar, é moi versátil como alimento, pola súa riqueza nutritiva, a súa textura carnosa e sabor suave no padal.

Leituga de mar

KOMBU ecolóxico

Laminaria

É un tipo de alga con forma de lámina moi consumida en Asia, especialmente en Xapón. É un alimento con alto valor enerxético e unha gran achega proteica. Ademáis, carece de graxas mentres que presenta un alto grao en carbohidratos. 

 

RAMALLO ecolóxico

Codium tomentosum

O  Codium  Tomentosum ou Ramallo de Mar é unha alga de cor verde intensa, de formas redondeadas, cunha carne xugosa e xelatinosa, moi común nas costas galegas. Esta alga é unha das máis empregadas actualmente na cociña, grazas ao seu sabor a mar, comparable co potente sabor do percebe. 

Alga Kombu

WAKAME ecolóxico

Undaria pinnatifida

As súas follas son moi longas, verdes, cun sabor máis ben doce e unha textura peculiar. No mercado podemos atopala na súa forma fresca ou desecada. Posúe pigmentos naturais con actividades biolóxicas interesantes, por exemplo as xantinas que presentan efecto antioxidante, antiinflamatorio e  neuroprotectoras do noso organismo. 

100% ECOLÓXICAS

Certificación de CRAEGA

A OPP-20 converteuse nunha das organizacións con maior volume de recolleita de algas nos últimos anos e a única comercializadora de algas ecolóxicas de Galicia.

Alga Wakame