+0034 986 551 107 info@opp20.com

O MARISCO DE A ILLA CONQUISTA SANTIAGO DE COMPOSTELA

Set 10, 2020Noticias Gal

A Cidade da Cultura acolleu no día de onte a presentación da campaña de promoción da OPP20 “Marisco de A Illa, Tradición Saudable”.

A campaña, que ten como finalidade a promoción do consumo de marisco da Illa de Arousa, aterrou onte na Cidade da Cultura de Santiago de Compostela, onde a inauguración estivo a cargo da Deputación de Pontevedra, a través da súa Deputada Iria Lamas, do Concello de A Illa, a través do seu Alcalde Carlos Iglesias, do Concello de Santiago de Compostela, a través do seu Tenente Alcalde Gumersindo Guinarte, e da Consellería do Mar da Xunta de Galicia, a través da Conselleria Rosa Quintana.

Iria Lamas resaltou a importancia destas iniciativas, e recalcou o apoio incondicional da Deputación de Pontevedra a este tipo de iniciativas.

Da importancia da OPP20 na Illa de Arousa falou o seu Alcalde, Carlos Iglesias e na súa economía, e das bondades do seu marisco e das súas paisaxes.

Pola súa parte, Gumersindo Guinarte remarcou a importancia da cultura gastronómica para o turismo en Galicia, destacando o marisco como un dos produtos estrela dentro da mesma, en especial para o Concello de Santiago de Compostela.

Finalmente, Rosa Quintana inaugurou a xornada de forma oficial, facendo fincapé na importancia do marisqueo na Illa de Arousa, pola porcentaxe de emprego creado, e tamén por ser unha actividade sostible e comprometida co coidado do medio ambiente.

A continuación comezou a presentación, a cargo en primeiro lugar do presidente da OPP20, Juan José Rial Millán, que explicou como esta campaña pretende promocionar o consumo de marisco extraído pola OPP20, a través da colaboración cos seus clientes principais, o sector da restauración, promovendo o turismo gastronómico en Galicia en base á tradición e á saúde asociadas ó noso produto.

Participan nesta iniciativa os seguintes restaurantes: Mercamaris, Cantina do Gaiás, Mar de Crebas, A Barrola, Gastrolab Arousa, Beiramar, O Bioco, O Tuno, A Meca, Brasería A Salga, Chiringuito de praia Coco Bao, Campos, Paprica, O Pingallo, Gastro-Bar Sanmiguel e O Barazal.

En canto á tradición, destacou como o marisqueo é parte da historia da Galicia costeira, parte da súa tradición. Na Illa de Arousa afecta arredor de 300 mariscadoras e mariscadores de marisqueo a pé e 382 embarcacións de marisqueo a flote.

Elixíronse tres produtos característicos da OPP, como son a ameixa rubia, a ameixa babosa e o camarón, para os cales cada un dos profesionais da restauración colaboradores aportou unha receita que se poden atopar na web da campaña: https://opp20.com/marisco-de-a-illa e tamén no folleto da campaña que xa foi repartido nas oficinas de Turismo de Galicia (A Coruña, Santiago de Compostela, Ferrol, Lugo, Ourense, Pontevedra e Vigo), e que en breve chegará ás prazas de abastos a través da Federación de Prazas de Abastos de Galicia.

A continuación, foi o turno de Lidia Folgar, encargada de mostrar as bondades saudables do marisco de A Illa, que é fonte de iodo, ten un alto contido en ferro e posúe proteínas de alto valor biolóxico. Isto unido á súa doada dixestión e á baixa porcentaxe de graxas que contén, fai del un compoñente ideal nunha dieta saudable. Destacou principalmente o seu aporte de ferro e iodo, sobre todo en etapas de alta necesidade coma o embarazo ou o crecemento temperá de nenas e nenos.

Lidia tamén nos falou de falsos mitos, coma o de que o marisco é malo para o colesterol ou para o ácido úrico, ambos falsos, xa que non afecta para nada ó colesterol, e ó ácido úrico non o afecta máis cá carne ou o peixe, pois o que afecta realmente é unha alta inxesta de proteínas na dieta.

Visionárosne os vídeos da campaña: https://we.tl/t-ft56hiH6dW

A Revista da TVG realizou unha reportaxe sobre o acto: http://www.crtvg.es/tvg/a-carta/a-revista-4561707?t=1869

Esta iniciativa está enmarcada no PPeC 2020 da OPP20, cofinanciada polo FEMP e pola Xunta de Galicia.

De onde veñen as algas da OPP20?

As algas son un dos recursos máis importantes para os produtores e produtoras da OPP20. Recóllenas mediante mergullo con...

A OPP20 busca a xestión sostible da correa ou espagueti de mar a través do proxecto HISARUM

A OPP20 participa no proxecto HISARUM para a repoboación da alga parda Himanthalia elongata coñecida como correa ou espaqueti de...

A OPP20 inaugura de forma oficial a súa aula virtual de #OCantoDoMar

Gafas de realidade virtual para mariscar e viaxar polo fondo mariño. Experiencias interactivas para ir recoller Marisco de A...

Marisco de A Illa cambia de imaxe e xa é marca rexistrada da UE

A OPP20 consigue que a nova imaxe de Marisco de A Illa sexa Marca da Unión Europea. Neste ano 2023, co desenvolvemento de novas...

#OMarEnTapas, a campaña de promoción 2023

Como vén sendo habitual, a OPP20 protagonizou un ano máis a promoción do Marisco de A Illa, a súa marca de garantía de produto...

A OPP20 novamente implicada co coidado do medio ambiente

Reparto de material para a sensibilización dos máis maiores a pé de praia. Este verán a OPP20 levou a cabo varias iniciativas...

Máis de 100 nenos e nenas participaron este xullo nas xornadas MAReILLA organizadas pola OPP20

Persoal da OPP20, así como mariscadoras e mariscadores da entidade, participaron este mes de xullo na iniciativa MAReILLA para a...

Marisco e Algas de A Illa triunfan na Feira Salimat 2023 con ameixa babosa e carneiro

Onte a presidenta da OPP20, Inma Rodríguez, estivo en Salimat para promocionar o marisco e as algas dos nosos produtores e...

Crise no marisqueo da Arousa

A principios deste ano pechábanse todos os bancos de libre marisqueo na ría de Arousa,...

A OPP20 coida dos recursos marisqueiros da Illa de Arousa

Mariscadoras e mariscadores da OPP20 colaboran asiduamente en labores de coidado dos bancos marisqueiros nos que realizan a súa...