Degustación a cargo de Emma Pinal (Gastrobar o Birrán) Marisco e Algas de A Illa, un Mar de Tradicións e Sabores: ameixa babosa e carneiro

Esta organización dende a súa orixe sempre mostrou inquedanza cara o futuro da pesca e a conservación do mar, polo que á hora de escoller o marisco que traballamos temos en conta tanto as recomendacións científicas, as das administracións públicas e as de organizacións ambientais e sociais que traballan para asegurar o futuro da pesca artesá e do mar. 

A cultura e tradición polo mundo do mar está moi enraizada na Illa de Arousa, pobo mariñero por excelencia que ollou como o seu desenvolvemento socioeconómico estivo moi vencellado ao marisqueo. Os mariscadores da Illa de Arousa, na súa maior parte mulleres, son traballadores exemplares que con gran esforzo conseguen sair adiante grazas a riqueza dos seus areais e o seu enorme traballo diario.