Se aínda es dos que só viron as algas flotando no mar e cústache imaxinarche incorporándoas á túa dieta, toma nota de todos os beneficios que as algas achegan. Incorpora as algas á túa dieta e benefíciache das súas múltiples propiedades. As algas, grandes descoñecidas, están cada vez máis de moda entre os amantes da comida saudable xa que son consideradas superalimentos ao presentar unha elevada cantidade de nutrientes. Basta con consumilas en pequenas cantidades para obter os principais beneficios das algas mariñas, os que destacan a súa riqueza en vitaminas, minerais, fibra e as súas propiedades antibacterianas, antiinflamatorias y antioxidantes.
Ademais son boas para coidar os ósos e os dentes, polo seu alto contido en calcio, axudan a manter a saúde cardiovascular, preveñen a anemia, facilitan a dixestión e son diuréticas. Tamén son coñecidos os beneficios para a pel das algas mariñas. Ademais, teñen un efecto saciante pero apenas achegan calorías. Pódeselles pedir algo máis?
De entre as algas comercializadas pola OPP20 destacan as seguintes polas súas propiedades:
A cinta ou correa destaca especialmente pola súa riqueza en ferro, máis que o lévedo de cervexa e até 9 veces máis que as lentellas. E proporciona ao mesmo tempo a vitamina C necesaria para a súa asimilación. Tamén achega unha boa cantidade do resto de minerais, destacando o potasio e o fósforo.
Destaca o seu baixo contido en graxas, sendo ademais principalmente insaturadas, con ácidos graxos esenciais como o omega 3 e omega 6 que axudan á diminución do nivel de colesterol.
A alga Kombu destaca especialmente polo seu alto contido en minerais e fibra. Axuda a mellorar a dixestión doutros alimentos e é boa para manter o sistema nervioso en perfectas condicións. Ademais, é o alga que maior concentración de potasio ten e unha gran aliada para o fígado e contra o colesterol.
A leituga de mar é rica en ácido fólico, vitamina C e vitamina D. Isto dalle funcións desintoxicantes, antioxidante, regenerativas e curativas sobre as superficies onde se aplica. Ademas contén iodo,calcio, sodio, magnesio e ferro.