Como vén sendo habitual, a OPP20 protagonizou un ano máis a promoción do Marisco de A Illa, a súa marca de garantía de produto sostible, de proximidade, de calidade e recollido de forma tradicional.
A campaña deste ano tivo un enfoque novidoso con respecto ás de anos anteriores, xa que se centrou en promocionar o consumo de marisco de forma directa, a través da participación activa de restaurantes da Illa de Arousa que prepararon tapas gratuítas para ofrecer ós seus clientes o pasado sábado 9 de setembro, coa consumición habitual en cada un deles.
Un total de 14 locais se sumaron a esta iniciativa de promoción que nesta ocasión escolleu como especie protagonista á ameixa roxa ou rubia e que propuxo un percorrido pola contorna da Illa de Arousa para degustar 14 receitas diferentes baixo a denominación de #OMarEnTapas: Restaurante Bar López, Restaurante A Ponte, O Novo Tuno, Bar Restaurante La Perla, Restaurante Xorna, Bar Pescador, Tapería A Chabola, Vinoteca Aldea, Consulta O Cortixo, Brasería A Salga, O Triskel, Restaurante A Meca, Churrasco Con do Sol e Novo Ribeirán.
A cita nos locais participantes foi un éxito, con moitas persoas que acudiron a varios dos locais para seguir a ruta marcada por #OMarEnTapas. De feito 4 dos 14 locais participantes esgotaron os 15kg de ameixa só no servizo de comidas, e do resto consumiron máis de 2/3 das existencias co que pola noite remataron o xénero doado pola OPP20 para a promoción de Marisco de A Illa.
En total doáronse 15kg por local, un total de 210 que serían entre 2100 e 2300 tapas de ameixa roxa nunha soa xornada. Un éxito segundo a opinión dos locais, e por suposto un logro impresionante segundo a valoración da propia organización.
Máis información: actualidade mariscodeailla.com
Acción incluída no PPeC 2023 da OPP20 financiado polo FEMPA e a Xunta de Galicia.
