+0034 986 551 107 info@opp20.com

A OPP20 busca a xestión sostible da correa ou espagueti de mar a través do proxecto HISARUM

Dec 29, 2023Noticias Gal

  • A OPP20 participa no proxecto HISARUM para a repoboación da alga parda Himanthalia elongata coñecida como correa ou espaqueti de mar.
  • Tamén foron obxecto do estudo realizado as algas Sargassum muticum, coñecida como wakame, e a Undaria pinntifida.
  • O proxecto resultou nunha gran oportunidade para conservar e potenciar este recurso.

A OPP20 participou este ano 2023 no proxecto HISARIUM, onde tamén participaron as Cofradías de Ribadeo e de Cangas, así como o Centro Interdisciplinar de Química e Bioloxía (CICA) da Universidade da Coruña e o Centro de Investigacións Mariñas de Corón (CIMA) da Xunta de Galicia.

O proxecto, nacido no marco de REDEMAR (Rede entre o sector pesqueiro e organismos científicos na Comunidade Autónoma de Galicia), tivo por obxectivo contribuír á sustentabilidade da explotación deste importante e peculiar recurso mediante a determinación de técnicas de aproveitamento, conservación, protección e xestión sostible.

A OPP20 foi convidada a participar pola importancia do recurso Himanthalia elongata para a organización, que só en 2023 supuxo unha recolección de algo máis de 40 toneladas e un importe de vendas en lonxa de algo máis de 21.000 €. Esta especie autóctona das nosas costas está nos últimos anos mermando a súa poboación, debido ó cambio global, á depredación, á explotación non axeitada e á súa peculiar bioloxía.

O estudo consistiu en establecer o estado previo das poboacións desta alga, así como de Sargassum muticum (wakame) e Undaria pinnitifida por ser algas invasoras que ante merma da Himanthalia elongata se atopan en expansión nas nosas costas, urxindo así a que as administracións tomen cartas no asunto e protexan as comunidades costeiras que sustenta as especies de algas ameazadas para evitar a súa perda.

Persoal da OPP20 fixo mostraxes no litoral da Illa de Arousa e recompilación de datos das poboacións de algas que xa estaban en poder da organización en zonas previamente escollidas atopando grandes poboacións de ambas algas invasoras, comprobando que o wakame ocupa grandes áreas das zonas estudadas, mentres que a correa case non aparece. As áreas seleccionadas foron en Punta Carreirón, Punta Quilma e Punta Aguiuncho.

Para localizar as principais poboacións de correa e os puntos nos que se detecta unha recesión das mesmas, fíxose unha prospección polo litoral da Illa, para o cal serviron de guía mostraxes de algas realizadas en anos anteriores polas Asistencias Técnicas, así como datos actuais e pasados dos propios recolectores, que contan con observacións diarias das poboacións e ampla experiencia ó longo dos anos. Isto axudou ó equipo investigador da Universidade para escoller o punto máis axeitado para o desenvolvemento dun sistema de sementeira con embrións de H. Elongata para reincorporación ou reforzo das súas poboacións no medio natural. Neste mesmo punto fíxose a recollida de reprodutores para inducir no laboratorio a obtención de embrións.

Tamén se utilizaron drons para avaliar o estado dos recursos e analizar a estrutura das poboacións de macroalgas mediante a anclaxe ó mesmo dunha cámara submariña nas mesmas áreas de mostraxe a pé na baixamar.

A sementeira de embrións obtidos no laboratorio realizouse con éxito nas mareas equinocciais de setembro, concretamente o 29 e 30 dese mes, obténdose grandes avances nas técnicas de sementeira e recuperación da especie obxectivo, H. elongata, polo que se está ante unha gran oportunidade para conservar e potenciar este recurso.

A participación da OPP20 neste proxecto é parte do PPeC 2023 da OPP20, cofinanciado polo FEMPA e pola Xunta de Galicia.

A OPP20 inaugura de forma oficial a súa aula virtual de #OCantoDoMar

Gafas de realidade virtual para mariscar e viaxar polo fondo mariño. Experiencias interactivas para ir recoller Marisco de A...

Marisco de A Illa cambia de imaxe e xa é marca rexistrada da UE

A OPP20 consigue que a nova imaxe de Marisco de A Illa sexa Marca da Unión Europea. Neste ano 2023, co desenvolvemento de novas...

#OMarEnTapas, a campaña de promoción 2023

Como vén sendo habitual, a OPP20 protagonizou un ano máis a promoción do Marisco de A Illa, a súa marca de garantía de produto...

A OPP20 novamente implicada co coidado do medio ambiente

Reparto de material para a sensibilización dos máis maiores a pé de praia. Este verán a OPP20 levou a cabo varias iniciativas...

Máis de 100 nenos e nenas participaron este xullo nas xornadas MAReILLA organizadas pola OPP20

Persoal da OPP20, así como mariscadoras e mariscadores da entidade, participaron este mes de xullo na iniciativa MAReILLA para a...

Marisco e Algas de A Illa triunfan na Feira Salimat 2023 con ameixa babosa e carneiro

Onte a presidenta da OPP20, Inma Rodríguez, estivo en Salimat para promocionar o marisco e as algas dos nosos produtores e...

Crise no marisqueo da Arousa

A principios deste ano pechábanse todos os bancos de libre marisqueo na ría de Arousa,...

A OPP20 coida dos recursos marisqueiros da Illa de Arousa

Mariscadoras e mariscadores da OPP20 colaboran asiduamente en labores de coidado dos bancos marisqueiros nos que realizan a súa...

Mariscadoras á fronte da dirección da OPP20, con rumbo a un futuro sostible

Mulleres e mar na Arousa sempre foron da man. Mulleres, mar e familia, unha tríade inseparable que conforman o xugo mesmo que...

Os máis cativos da Illa xa coñecen “O Canto do Mar”

O CEIP Torre Illa colabora coa OPP20 para organizar as visitas dos máis cativos da Illa á aula de interpretación inaugurada en...