Na OPP20 recóllense dous crustáceos, a nécora e o camarón, ambos certificados coa marca Marisco de A Illa e tamén con PescadeRías.
 |
 |
O camarón ten un rostro longo e un corpo semitransparente comprimido lateralmente. A cabeza ten liñas debuxadas en sentido lonxitudinal e oblicuo, liñas tamén presentes no abdome, aínda que son más curtas e transversais.
Vive preto da costa, en augas de pouca profundidade e tranquilas, sobre fondos de rochas ou con moita vexetación. Captúrase con nasas dende embarcación ou con truel dende batea. Autorizada a súa captura durante todo o ano excepto festivos e fin de semana. Nasas: tope diario de 125 nasas por embarcación e 75 por tripulante. Truel: Plan Experimental Anual.
PROPIEDADES SAUDABLES: Baixo en calorías e con gran cantidade de proteínas e graxas saudables omega 3, así coma unha variedade importante de vitaminas e minerais coma o fósforo, o cobre, o zinc, o magnesio, o calcio, o potasio o ferro, o iodo ou o manganeso. Ao alimentarse de algas tamén posúe antioxidantes como a astaxantina, que axudan a protexer as células contra os danos.
 |
 |
O seu caparazón é hexagonal de cor marrón escura e textura de terciopelo. O macho ten o abdome triangular mentres que a femia o ten máis ancho e redondeado. Presenta 5 pares de patas, e o primeiro deles son unhas pinzas.
Vive nos recovecos que forman as pedras preto da costa. Os produtores e as produtoras da OPP20 captúranas polas noites con nasas dende embarcación. Está prohibida a captura e venda de nécoras ovadas. Ten vedas anuais habitualmente entre xaneiro e xullo. Ten un tope diario de 125 nasas por embarcación e 75 por tripulante.
PROPIEDADES SAUDABLES: A nécora é un dos crustáceos que presenta un maior contido nutritivo, especialmente en proteínas de alto valor biolóxico e un elevado aporte de ácidos graxos omega 3. Posúe diversas vitaminas e minerais coma o calcio, o ferro, o iodo, o zinc ou o potasio. O iodo favorece a creación de tecidos e o desenvolvemento da glándula tiroides. As vitaminas tradúcense en antioxidantes que retrasan o envellecemento celular e preveñen a aparción de cancro.
Acción enmarcada no Plan de Produción e Comercialización 2024 da OPP20, cofinanciado pola Xunta de Galicia e a Unión Europea.
