A OPP20 desenvolve durante este ano 2025 unha nova acción de información aos consumidores co obxectivo de achegar o produto local ao público final e dar a coñecer, dun xeito claro e directo, o proceso de trazabilidade do marisco e das algas da Illa de Arousa.
Esta acción, incluída no Plan de Produción e Comercialización 2025, nace como resposta directa ás necesidades detectadas tras a experiencia de 2024, cando se evidenciou unha demanda crecente por parte de clientes e consumidores/as de:
-
Información clara sobre onde mercar produto da OPP20.
-
Acceso á trazabilidade: como se colleita, clasifica, subasta e distribúe o marisco e as algas.
-
Canles de comunicación directa e estables ao longo de todo o ano.
Obxectivo principal
Establecer unha comunicación directa e continua coa cidadanía, ofrecendo contidos útiles e accesibles sobre o produto da OPP20, desde a súa orixe ata a súa chegada á mesa.
-
Trazabilidade real dende a lonxa ao consumidor.
-
Onde e como mercar produto con garantía OPP20.
-
Novas especies mariñas colleitadas pola OPP (como o carneiro, ameixa bicuda, codium e leituga de mar).
Un compromiso coa transparencia e a sustentabilidade
Esta acción reafirma o compromiso da OPP20 coa trazabilidade, a pesca sostible e a valorización do oficio marisqueiro, aliñando as súas campañas de comunicación coas necesidades reais dos seus públicos e coas oportunidades que ofrece o produto mariño de proximidade.
