+0034 986 551 107 info@opp20.com

A OPP20  INAUGURA UNHA AULA DE INTERPRETACIÓN DO MARISQUEO DA ILLA DE AROUSA “O CANTO DO MAR” DA OPP20

Out 24, 2022Noticias Gal

A Illa de Arousa, 21 de outubro de 2022. A Organización de Produtores de Marisco e Cultivos Mariños da Provincia de Pontevedra (OPP20), inaugurou hoxe, a Aula de Interpretación do Marisqueo “O canto do mar” na súa sede da Avenida Castelao.

Esta aula de interpretación para o marisqueo en particular, e para a actividade da OPP20 en xeral, foi concibida co obxectivo de promocionar o sector marisqueiro e os produtos da OPP20. Co seu desenvolvemento conseguiuse acoller nun espazo coñecido información para a difusión e divulgación da actividade marisqueira para calquera persoa que a queira visitar, especialmente para os máis cativos.

Así, convidouse a participar na inauguración a representantes tanto do CEIP Torre-Illa, coma do IES da Illa de Arousa, cos cales se establecerán proximamente visitas do alumnado, e que valoraron a aula como moi positiva.

No acto, o presidente da OPP20, Juan José Rial Millán, destacou a importancia de poñer en valor a actividade marisqueira e pesqueira dos socios e socias da OPP para buscar o relevo xeracional en primeiro lugar, e en segundo para sensibilizar á sociedade en xeral e ós máis cativos en particular da importancia do medio mariño e o seu coidado.

O acto contou con produtores e produtoras da OPP20 e foi inaugurada oficialmente polo alcalde da Illa de Arousa, D. Carlos Iglesias que destacou a labor de divulgación dos mariscadores e mariscadoras da Illa de Arousa. O alcalde estivo acompañado da subdirectora Xeral de Pesca e Mercados da Pesca da Consellería do Mar da Xunta da Galicia, Marta Villaverde, quen destacou a importancia da dignificación da actividade marisqueira e apoiou totalmente a iniciativa.

A aula conta con 6 paneis informativos sobre a actividade dos produtores e produtoras da OPP, así como de 6 cubos que forman un puzzle tridimensional en tamaño real con temáticas por cores que abarcan dende a innovación no sector ata o marisco como alimento saudable. A aula contén ademais recursos marisqueiros como apeiros para a colleita e artes de pesca, e coleccións de cunchas de mariscos e outros recursos que se atopan nas praias da Arousa. Por último, unha pantalla interactiva contén recursos audiovisuais e xogos para que os máis pequenos interactúen coa actividade a través das novas tecnoloxías.

A aula poderá visitarse de forma guiada previo contacto coa OPP20, e sen guía en horario de oficina da organización.

En 2023 esta aula verase apoiada de forma virtual, de forma que os contidos cheguen a calquera recuncho do mundo, así como se incorporarán a aula novas ferramentas TIC que permitan unha maior interacción co medio mariño.

O nome “O canto do mar” quere utilizar o dobre significado da palabra canto, que significa o borde do mar, que é onde se realiza a actividade marisqueira, así como ó canto, forma fermosa de contar algo.

A OPP20 busca a xestión sostible da correa ou espagueti de mar a través do proxecto HISARUM

A OPP20 participa no proxecto HISARUM para a repoboación da alga parda Himanthalia elongata coñecida como correa ou espaqueti de...

A OPP20 inaugura de forma oficial a súa aula virtual de #OCantoDoMar

Gafas de realidade virtual para mariscar e viaxar polo fondo mariño. Experiencias interactivas para ir recoller Marisco de A...

Marisco de A Illa cambia de imaxe e xa é marca rexistrada da UE

A OPP20 consigue que a nova imaxe de Marisco de A Illa sexa Marca da Unión Europea. Neste ano 2023, co desenvolvemento de novas...

#OMarEnTapas, a campaña de promoción 2023

Como vén sendo habitual, a OPP20 protagonizou un ano máis a promoción do Marisco de A Illa, a súa marca de garantía de produto...

A OPP20 novamente implicada co coidado do medio ambiente

Reparto de material para a sensibilización dos máis maiores a pé de praia. Este verán a OPP20 levou a cabo varias iniciativas...

Máis de 100 nenos e nenas participaron este xullo nas xornadas MAReILLA organizadas pola OPP20

Persoal da OPP20, así como mariscadoras e mariscadores da entidade, participaron este mes de xullo na iniciativa MAReILLA para a...

Marisco e Algas de A Illa triunfan na Feira Salimat 2023 con ameixa babosa e carneiro

Onte a presidenta da OPP20, Inma Rodríguez, estivo en Salimat para promocionar o marisco e as algas dos nosos produtores e...

Crise no marisqueo da Arousa

A principios deste ano pechábanse todos os bancos de libre marisqueo na ría de Arousa,...

A OPP20 coida dos recursos marisqueiros da Illa de Arousa

Mariscadoras e mariscadores da OPP20 colaboran asiduamente en labores de coidado dos bancos marisqueiros nos que realizan a súa...

Mariscadoras á fronte da dirección da OPP20, con rumbo a un futuro sostible

Mulleres e mar na Arousa sempre foron da man. Mulleres, mar e familia, unha tríade inseparable que conforman o xugo mesmo que...