Os solénidos son moluscos bivalvos pertencentes á familia Solenidae ao que pertencen tanto navallas como longueiróns. Na OPP20 recóllense mediante mergullo con subministro de aire.
NAVALLA
 |
 |
Este bivalvo posúe unha superficie brillante que semella vernizada. A súa cuncha é alongada, cunha forma arqueada moi característica (coma unha navalla) que as diferencia do longueirón, co que, sen embargo, comparten unha coloración parecida.
Viven soterradas na area, na zona infralitoral. Teñen un tope diario por produtor-a de 12-15 kg/día e unha veda de 2 meses consecutivos entre febreiro e xuño.
LONGUEIRÓN VELLO
 |
 |
O longueirón vello ten unha cuncha alongada, brillante e recta. Diferénciase do longueirón en que os seus extremos son máis curvados e inclinados, e son máis curtos cós de este último, así como a súa cuncha máis brillante.
Atópanse en fondos areosos e lamacentos no interior das rías na zona do infralitoral. O seu tope diario por produtor-as é de 25 kg/día e posúen unha veda de 1 mes entre abril e xuño, normalmente non coincidente coa veda da navalla.
Acción enmarcada no PPeC 2024 da OPP20 cofinanciado pola Xunta de Galicia e o FEMPA.
